(998 71) 233-28-28

O‘zbekiston Respublikasi Tashqi ishlar vazirligi

Yangiliklar va voqealar

TIV Konsullik-huquqiy departamenti axboroti

Mamlakatimizning Istanbul shahridagi (Turkiya) Bosh konsulxonasi bergan ma’lumotlarga ko‘ra 2019-yilning 11-iyun kuni “Haydarpasa Numune Hastanesi” tibbiyot muassasasida 1994-yil 15-avgustda tug‘ilgan O‘zbekiston fuqarosi Rajabboyev Ozod Ravshanovich vafot etdi. U avvalroq Istanbul shahrining Uskyudar tumanida sodir bo‘lgan yo‘l-transport hodisasi oqibatida olgan jarohatlari sababli kasalxonaga yotqizilgan edi.

Bosh konsulxona tomonidan vafot etgan fuqaromizning qarindoshlariga jasadni O‘zbekistonga olib borib dafn qilishlari uchun tegishli konsullik-huquqiy yordam ko‘rsatilmoqda. Shu bilan birga mazkur YTH bo‘yicha tergovning borishi nazoratga olingan.

Konsullik-huquqiy departamenti marhumning oila a’zolari va yaqinlariga hamdardlik izhor etadi hamda Turkiya, Bolgariya, Ruminiyada bo‘lib turgan O‘zbekiston fuqarolariga ular zarurat tug‘ilgan holatlarda Istanbul shahridagi mamlakatimiz Bosh konsulxonasiga quyidagi telefon raqamlari orqali murojaat qilishlari mumkinligini eslatib o‘tadi: +90 212-323-20-37, +90 212-229-00-75.